अख्तियार दुरुपयोग अनुसन्धान आयोगको हेटौंडा कार्यालयमा चालु आर्थिक बर्षमै ९ सय ७६ थान उजुरी परेका छन् । सो कार्यालयमा सबैभन्दा धेरै स्थानीय तहसँग सम्बन्धित उजुरीहरु परेको कार्यालयले जनाएको छ ।
बिज्ञापन
त्यहाँ यो अवधिमा परेका उजुरीको विश्लेषण गर्दा ६४ दशमलव ८५ प्रतिशत अर्थात ६ सय ३३ थान स्थानीय तहसँग सम्बन्धित रहेको जनाइएको छ । गत वर्ष हेटौंडामा दर्ता भएका उजुरीमध्ये स्थानीय तहसँग सम्बनिधत ५३ दशमलब ११ प्रतिशत थिए। चालु आर्थिक वर्षको माघ महिनासम्ममा ६५ प्रतिशत भन्दाबढी स्थानीय तहसँग सम्बन्धित रहेका छन् ।
बिज्ञापन
हेटौंडा अख्तियारको कार्यक्षेत्र १२ जिल्ला पर्दछन् । जसमा सबैभन्दा बढी पर्सा जिल्लाका २८७ परेका छन् भने दोस्रोमा बाराका २५०, रौतहटका १८६, मकवानपुरका १३९, चितवनका १११ र दोलखाका २ वटा उजुरी परेका छन् । हालसम्म सिन्धुपाल्चोक, धादिङ, रसुवा र नुवाकोट जिल्लाको उजुरी शून्य रहेको कार्यालयले जनाएको छ ।
बिज्ञापन
